केशव पन्त, कञ्चनपुर १० बैशाख । रेडियो महाकालीको नवौँ वार्षिकोत्सवको अवसरमा आयोजित मैत्रीपूर्ण क्रिकेट प्रतियोगिताको पहिलो खेलमा रेडियो महाकालीले १ सय ४० रनको फराकिलो अन्तरले  जितेको छ । 

बिहिबार  भएको उद्घाटन खेलमा टस जितेर पहिले ब्याटिङ गरेको रेडियो महाकालीले निर्धारित १५ ओभरको खेलमा १ सय ९८ रन बनाएको थियो । बैशाख १५ गते परेको वार्षिकोत्सवको पूर्वसन्ध्यामा आज, भोलि र पर्सी ३ वटा मैत्रीपूर्ण क्रिकेट प्रतियोगिता गर्न लागिएको हो ।