प्रदिप राई,  (क्वालाम्पुर) मलेसिया  ८ बैशाख  । मलेसियाको जोहर राज्यको फ्लेक्ट्रोनिक कम्पनीमा कार्यरत एक नेपालीको युवाको मृत्‍यु भएको छ। धादिङ जिल्ला कल्लेरी - ६ खरिढुङा घर भएका अन्दाजी २३ बर्षिय अर्जुन भुजेल गए गत शनिबार बिहान मृत्‍यु भएका छन।

शनिबार बिहान होस्टल बाट कम्पनी जाने क्रममा बस चाडह्नु साथ बेहोस भएर ढलेका थिए बेहोस भए लगतै साथी हरुको सहयोगमा अस्पातल पुर्याईका थियो भने अस्पातल भर्ना गरेको केही समयमै उनको मृत्‍यु भएको घोषणा गरिएको मृतकका साथी ईस्वार मगरले बताउनु भयो। भुजेलको मृत्यूको कारण भने खुल्न सकेको छैन । उनी मलेसिया जानु अघि जनमुक्ति सेनाको शक्तिखोर शिविरमा रहेका थिए ।

जनमुक्ति सेना छाडेर केही समय पोखरा बसेका उनले गत असारमा धादिङ साँखुमा विवाह गरेका थिए । विवाहको एक हप्तापछि रोजगारीका लागि विदेशिएका भुजेलको शनिबार बिहान निधन भएको हो । मृतक को सब पोस्ट मार्डमको लागि जोहर अस्पातलमा राखिएको र केही दिन मै नेपाल सब पठाउने मगरले बताउनु भयो।