नृप रावल , धनगढी १० बैशाख ।  सिचाई मन्त्री एनपी साउदले कैलाली–कञ्चनपुका सबै क्षेत्रमा वर्षभरि सिचाई सुविधा पु¥याउनका लागी कार्ययोजना अघि बढिसकेको बताउनु भएको छ । 

नेपाल प्रेस युनियन कैलालीले बिहिवार धनगढीमा आयोजना गरेको पत्रकार भेटघाट कार्यक्रममा बोल्दै मन्त्री साउदले सर्वकालिन सिचाई सुविधा पु¥याउने दावी गर्नु भएको हो । महाकाली सिचाई आयोजनाका लागी भारत सरकारको सहकार्यमा सर्पकबाट १६ अर्ब बिनियोजन भई सर्वेको प्रक्रिया अगाढी बढिसकेको जानकारी गराउदै, मन्त्री साउदले तराईका सबै क्षेत्रलाई सिचाईको पहुचसम्म जोड्न प्रतिबद्ध रहेको समेत बताउनुभयो । 

उहाले राष्ट्रिय गौरवको रानीजमरा कुलरिया सिचाई आयोजना दुत्र गति अघिबढिरहेको भन्दै, ड्याम बनाएर ठुलीगाडको पानी कैलालीको खुटिया ल्याउनका लागी एसियाली विकास बैकसंग सम्झौताका भई अध्यननको काम अघि बढिरहेको समेत बताउनु भएको छ ।