प्रधानसेनापति वर्षमा १० पटक विदेश 

काठमाडाैं ११ बैशाख ।  प्रधानसेनापति गौरवशमशेर राणा गएको वर्ष विदेश भ्रमणमा व्यस्त बने । यस वर्ष उनले नौ देशको भ्रमण गरिसके भने १२ वैशाखमा पाकिस्तान जाँदैछन् । नयाँ पत्रिका दैनिकमा समाचार छ ।

आगामी २४ भदौमा कार्यकाल सकिन लागेका प्रधानसेनापति राणाले तीनपटक भारतको भ्रमण गरे । अघिल्लो वर्ष उनले अमेरिका, चीन, भारत, बंगलादेश, युएई, अस्ट्रेलिया, कंगो, दक्षिण सुडान र केन्या भ्रमण गरिसकेका छन् । उनले निजी भ्रमणकाे खर्च पनि राज्यकाेषबाट गरिरहेका छन् ।

काठमाडाैं ११ बैशाख ।  एमाओवादी अध्यक्ष पुष्पकमल दाहालले सत्तापक्षको सात र विपक्षी गठबन्धनको १० प्रदेशको प्रस्ताव अनुसूचीमा राखेर संविधानको मस्यौदा बनाउने प्रस्ताव गरेका छन्। अन्नपूर्ण पाेस्ट दैनिकमा समाचार छ ।

काठमाडाैं ११ बैशाख ।  दलालको चक्करमा परेर बिदेशिएका ७ जना नेपाली  विद्यार्थीलाई ग्रेनाडा प्रहरीले बुधबार पक्राउ गरेको छ । उनीहरु एकसातादेखि हराइरहेका थिए । कान्तिपुर दैनिकमा समाचार छ ।  दीपक सापकोटा  चन्द्रबहादुर थापा  अंकित ढकाल  प्रदीप अधिकारी दीपक भुजेल अर्जुन शर्मा काफ्ले  र नुमकला तिवारी  पक्राउ परेका हुन  ।

काठमाडाैं ११ बैशाख ।  इपिडिमियोलजी तथा रोग नियन्त्रण महाशाखाले जाजरकोटको महामारी फैलिएको ठाउँमा ७ प्रतिशतलाई मात्र इन्फुएन्जा (रुघा खोकी) को लक्षण देखिएको जनाएको छ । यसअघि महाशाखाले करिब २५ प्रतिशतमा रुघाखोकीको लक्षण देखिएको बताएको थियो । कान्तिपुर दैनिकमा समाचार छ ।

काठमाडाैं ११ बैशाख ।  संविधानसभा अध्यक्ष सुवासचन्द्र नेम्वाङले बैशाख १७ मा बस्ने बैठकबाट नयाँ संविधानका विवादीत विषयमा मतदान गराउने घोषणा गरेका छन् । कान्तिपुर दैनिकमा समाचार छ ।