काठमाडौं ६  बैशाख । हरेक साँझ शुक्रबार प्रसारण हुने हाँस्य टेलिश्रृखंला भद्रगोल  अर्को हप्ता शुक्रबार अर्थात ११ गतेदेखि पुनः प्रसारणमा आउने भएको छ । 

छाटो समयमै दर्शकहरुको मन जित्न सफल  भएको यस टेलिश्रृखंला आउँदो ११ गतेदेखि  पुनः सुचारु हुन लागेको   भद्रगोलका निर्देशक शंकर आचार्यले रातोपाटीलाई जानकारी दिए ।

‘११ गतेदेखि हामी पक्का तपाईंहरुको माझमा  आउँछौं,ढुक्क हुनुहोस्’ निर्देशक आचार्यले भने । प्रसारणको व्यवस्थापन जिम्मा लिएको एजेन्सीमा समस्या आउँदा दुई महिनाअघि देखि भद्रगोलका प्रसारण रोकिएको थियो । प्रसारण रोकिँदा बजारमा अनेक हल्ला चलेका थिए । 

भद्रगोलका निर्देशक शंकर आचार्यले आजैबाट भद्रगोल प्रसारण गर्ने तयारी भए पनि प्राविधिक कारणले प्रसारण गर्न नसकेको जानकारी दिए ।