गणेश घिमिरे, इलाम ५ बैशाख । हत्या गरेर फालेको अवस्थामा उत्तरी इलामको चमैता गाबिसमा एक बालकको शव फेला परेको छ । 

चमैता गाविस वडा नम्बर ६ स्थित देउमाई खोपिखर्क भन्ने स्थानमा दस  बर्षका बालक स्थानिय बिशाल राईलाई हत्या गरेर फालेको अवस्थामा भेटीएको हो । 

टाउको र शरीरका बिभिन्न अवस्थामा चोटपटक लागेको अवस्थामा अवस्थामा भेटिएका बालकलाई कसैले हत्या गरेर फालेको हुनसक्ने इलाका प्रहरी कार्यालय मंगलबारेका प्रहरी निरीक्षक भूपेन्द्र गिरीले बताउनुभयो । छोरा मृत भटिएपछि बालकका बाबुआमा अझै अचेत अवस्थामा छन् भने, गाउँले त्रसित भएका छन् ।